Mae Sarah Silverton yn angerddol dros wneud meddylgarwch yn hygyrch i bawb. Mae\u2019r rhain wrth galon neges dull The Present: helpu bobl brysur ddod ag ymwybyddiaeth hynaws yn rhan o\u2019u bywydau bob dydd, cyflwyno meddylgarwch i bobl o bob oed a datblygu ymarfer oes i gael ffynnu a chadw\u2019n iach. <\/p>\n\n
Mae Sarah Silverton wedi bod yn ymwneud \u00e2 meddylgarwch yng Nghymru ers y dechrau, ac mae\u2019n athro meddylgarwch profiadol. Yng nghanol y 90au aeth ar gwrs cyntaf MBCT 8 wythnos Mark Williams cyn hyfforddi gydag ef i addysgu MBCT, ac yn 1999, teithiodd i Massachussets i\u2019r Center for Mindfulness Studies i gwblhau ei rhaglen Intern. <\/p>\n\n
Dros y blynyddoedd mae wedi llwyddo i ddod ag ymarfer a dysgeidiaeth meddylgarwch i fyd addysg ac i fywyd bob dydd plant a\u2019u hathrawon. Mae hi wedi ymwneud \u00e2\u2019r Prosiect Meddylgarwch Mewn Ysgolion (MISP) ac wedi cydysgrifennu yr hyn a ddaeth yn gyrsiau sylfaen Paws b a .b, sydd bellach wedi\u2019u cyfieithu i nifer o ieithoedd ac sydd yn cael eu haddysgu a\u2019u gwerthfawrogi drwy\u2019r DU ac ymhell tu hwnt. <\/p>\n\n
Mae cyrsiau The Present wedi datblygu o\u2019r dyhead parhaus hwn i fylchu\u2019r ffiniau sy\u2019n rhwystro mynediad i feddylgarwch. Mae dulliau The Present yn agor y drws i feddylgarwch i bobl sydd wedi teimlo nad ydy meddylgarwch yn iawn iddyn nhw oherwydd prinder amser neu ffactorau eraill. Maen nhw\u2019n darganfod eu bod yn gallu datblygu ymarfer ystyrlon a llesol heb lawer o ymdrech. Ac wrth weithredu\u2019r dulliau hyblyg a hygyrch hyn maen nhw\u2019n sylweddoli bod cyfle i ymarfer meddylgarwch yn codi unrhyw funud. <\/p>\n\n
\u201cMae natur y cwrs sef dysgu trwy brofiad yn cael dylanwad cynnil o wythnos i wythnos, nes sylweddoli ar ddiwedd y cwrs y bydd y cydbrofi a\u2019r cyd-ddysgu yno yn gefn i ti am flynyddoedd i ddod.\u201d<\/em> (cyfranogwr Living in the Present)<\/p><\/p>\n\n Ers 2018 mae\u2019r cyfleoedd i ddysgu a chymryd rhan mewn cyrsiau The Present CIC wedi lledaenu ymhell ac agos ac wedi datblygu mewn sawl ffordd. Ers dechrau 2024 mae Prosiect Meddylgarwch Mewn Ysgolion (MISP) wedi cynnig a chynnal cyrsiau The Present i ysgolion a phobl ifanc ar draws y DU. Mae Sarah yn parhau i addysgu cwrs The Present i Ysgolion a chwrs Byw yn y Presennol yn Tsieina a Taiwan. Mae Sarah Silverton yn addysgu a hyfforddi eraill i addysgu Byw yn Y Presennol yn rheolaidd arlein. <\/p>\n\n Mae Sarah hefyd yn addysgu gweithdai Ymholi a Symud yn Ystyriol i athrawon med dylgarwch, ac ar hyn o bryd mae Sarah a rhai aelodau o\u2019i th\u00eem yn ysgrifennu llyfr. Mae hefyd yn cynnal cyrsiau preswyl a chyrsiau encil arlein tair-bedair gwaith bob blwyddyn. <\/p>\n\n \u201cMae Encil Presennol Arlein ym mis Ionawr yn ffordd berffaith o ailgydio ynddyn ni ein hunain a dechrau\u2019r Flwyddyn Newydd yn teimlo wedi adfywio ac wedi cryfhau ein hymarfer.\u201d<\/em><\/p><\/p>\n\n \u201cRwyf bob amser yn teimlo bod cyrsiau encil Sarah o gymorth mawr, y rhai wyneb-yn-wyneb ac arlein. Mae ei dulliau hi yn gwneud i mi deimlo\u2019n gyfforddus ac yn fy ngalluogi i setlo i ddysgu a datblygu.\u201d (cyfranogwyr encil)<\/p><\/p>\n\n Mae cyrsiau The Present CIC a Sarah Silverton Mindfulness yn cyrraedd amrywiaeth eang o boblogaethau gan gynnwys ysgolion, meddygon ifanc, myfyrwyr meddygol, poblogaethau clinigol, athletwyr, a Men\u2019s Sheds i enwi rhai yn unig. Mae yna hefyd amrywiaeth o ran lleoliadau, er enghraifft yn yr awyr agored.<\/p>\n\n Mae gwaith ymchwil wedi\u2019i gyflawni ar y dull hwn ac mae yna astudiaethau ar lefel graddfeistr a doethuriaeth. Mae\u2019r rhain yn cynnwys astudiaeth o addysgu ysgol gyfan o athrawon a phlant yn Warrington, ac astudiaeth o Brifysgol Caerdydd ar gwrs Byw yn y Presennol a gynhaliwyd i rieni plant \u00e2 chyflyrau cronig o\u2019r croen ac astudiaeth ddoethuriaethol gyfredol gyda hyfforddwyr.<\/p><\/p>\n\n Trwy eu cyrsiau a\u2019r rhwydwaith gynyddol o athrawon ac ymarferwyr sydd wedi\u2019u hyfforddi yn y dull, mae The Present CIC a Sarah Silverton Mindfulness yn arloesi ac yn meithrin y cymunedau cynyddol o bobl a phlant yng Nghymru a thu hwnt sy\u2019n profi buddion meddylgarwch. <\/p>\n\n \u201cMae hyfrydwch amrywiaeth y lleoliadau rhyfeddol lle mae dull The Present yn ffynnu ac sy\u2019n addas iddo wedi bod yn bresennol dros y 6 mlynedd diwethaf. Rwy\u2019n edrych ymlaen at weld ymhle mae\u2019n ymgartrefu dros yr ychydig flynyddoedd nesaf.\u201d<\/em> (Sarah Silverton)<\/p><\/p>\n\n I gysylltu\u2026<\/p>\n\n Ewch i\u2019r wefan: <\/p>\n\n![\"\"](\"https:\/\/mindfulness-wales.org\/wp-content\/uploads\/2025\/04\/Sarah-Silverton-TPfS-China-group-summer-2024-1024x597.jpg\")
<\/figure>\n\n