“Trwy feddylgarwch perthynol gallwn feithrin cydlynu mewn cymunedau lle mae yna angen dirfawr am ffyrdd hygyrch ac ymarferol o gefnogi iechyd meddyliol a chorfforol. Mae gan Dulliau Sy’n Seiliedig ar Feddylgarwch (MBAs) rôl allweddol i’w chwarae yn y gefnogaeth hon.”
(Natalie Snuggs, Stillworks Meditation)
Crëwyd ‘Stillworks’, busnes Natalie Snuggs sy’n seiliedig ar feddylgarwch, trwy gyfuno astudiaeth fanwl a hyfforddiant mewn MBAs gyda’i siwrne phersonol hi o weithio gyda meddylgarwch am gyfnod hir i ymdopi â’i phoen cronig ei hun. Llanilltud Fawr yw ei chartref ac mae’n addysgu yn bennaf ym Mro Morgannwg ond mae ganddi gynulleidfa fwy eang arlein ledled y byd. Ei nod yw meithrin cydlynu cymunedau trwy ddod â meddylgarwch, sydd o ansawdd da ac sydd wedi cael ei ddilysu yn glinigol, i’w bro, ond hefyd i grwpiau o bobl sydd, ar y cyd ag eraill, yn agored i niwed.
Mae Natalie yn parhau i fyw ei phregeth o bwysigrwydd hunan-ofal wrth ymrwymo i ymarfer personol dyddiol sy’n cyfuno sesiynau o fyfyrdod, anadlu, ymholi, cerdded, ymarfer symudiadau a hypnotherapi yn rheolaidd yn ystod y dydd.
Mae astudiaethau meddylgarwch Natalie yn cynnwys Myfyrio a Symud, Sensitifrwydd i Drawma, Ystyrioldeb, a dull MAIR o Ailhyfforddi’r System Nerfol. Yn 2021 cwblhaodd MSc ym Mhrifysgol Bangor yn seiliedig ar effaith Ymyriadau sy’n Seiliedig ar Feddylgarwch (MBIs) ar salwch cronig mewn menywod, a thestun ei thraethawd ymchwil oedd rôl meddylgarwch ar neurogenesis wrth drin anhwylderau cronig.
“Rwyf wedi dysgu cymaint o ddysgeidiaeth Natalie – bob amser yn llawn gwybodaeth, bob amser yn llawn caredigrwydd. Mae hi wedi fy helpu i greu perthynas ddofn a pharhaol â meddylgarwch, sydd wedi trawsnewid fy mywyd.” (Un o gleientiaid Stillworks)
Mae Stillworks yn arbenigo mewn cynnig cyrsiau i bobl ag anhwylderau hir dymor, naill ai rhai corfforol neu feddyliol, gan gynnwys poen cronig, sydd hyd yn hyn wedi methu â chael cefnogaeth ddigonol. Sylfaen y cyrsiau yw MBSR, gan gynnwys elfennau o Therapi Gwybyddol sy’n Seiliedig ar Feddylgarwch, Byw yn Ystyriol sy’n Seiliedig ar Feddylgarwch, a Therapi Derbyn ac Ymroddi. Maen nhw’n amrywio o sesiynau cyflwyno 5 wythnos i gyrsiau hirach, dwysach. Os nad yw gweithio mewn grŵp yn teimlo’n iawn mae Stillworks yn cynnig opsiwn o weithio wyneb-yn-wyneb ag unigolyn.
“Hoffwn ddweud fy mod wedi cael budd mawr o’ch dysgeidiaeth…nawr rwyf â’r gallu i dawelu’r meddyliau yn fy mhen a’u rhoi nhw mewn persbectif. Mae fy iechyd meddwl wedi gwella’n aruthrol wrth i mi ddysgu cymryd amser i fwynhau’r hyn sydd o’m cwmpas gan ddefnyddio pob un o’m synhwyrau.” (Un o gleientiaid Stillworks)
Yn ogystal â’r opsiynau hyn sy’n canolbwyntio ar boen cronig, mae dosbarthiadau Symud yn Ystyriol Qigong Shibashi ar gael i wella llesiant, a sesiynau arlein sy’n seiliedig ar feddylgarwch i’r sawl na all ddod i’r dosbarthiadau.
Ochr yn ochr â Stillworks, mae Natalie wrthi’n cyd-sefydlu elusen sy’n seiliedig ar feddylgarwch er budd y gymuned yn Llanilltud Fawr. Mae Mewn Cof yn mynd i gael ei lansio yn nes ymlaen eleni a’i nod yw ymateb i ddau o anghenion lleol a nodwyd:
- 1) Dynion sydd wedi cael eu hesgeuluso o ran iechyd meddwl.
- 2) Menywod sydd wedi cael cam-ddiagnosis neu sydd heb gael diagnosis o’u hanwylderau corfforol ac y byddai Ymyriadau sy’n Seiliedig ar Feddylgarwch yn briodol iddynt.
Mae’r weledigaeth i Mewn cof yn y tymor hir yn cynnwys:
- 1. Datblygu cwrs symud yn ystyriol (Qigong) sydd eisoes yn bodoli ac wedi cael ei brofi sy’n seiliedig ar Therapi Derbyn ac Ymroddi. Mae’r astudiaeth beilot yn cael ei gwerthuso ar hyn o bryd, a hyd yn hyn mae’r adborth i gyd yn bositif gyda buddion i’r rhan fwyaf o’r menywod ym mhob maes sef gorbryder, diffyg cwsg, poen, a meddyliau ymwthiol. Yn y dyfodol bydd y cwrs hwn yn cael ei anelu at fenywod gyda phoen parhaus sydd wedi cael trafferth gyda symud a symudedd am sawl blwyddyn heb gefnogaeth.
- 2. Cynyddu gwaith yr elusen drwy ddylunio a chyflwyno cwrs a all gael ei gyflwyno a’i addysgu yn eu cymunedau eu hunain gan fentoriaid a chefnogwyr cydradd.
- 3. Cyflwyno mentora cymheiriol ffurfiol a hyfforddiant er mwyn addysgu meddylgarwch yn y gymuned honno gan arbenigwr sydd â phrofiad personol.
Bydd gwireddu’r weledigaeth uchelgeisiol hon yn bosibl drwy gydweithio â mudiadau sydd eisoes yn bodoli gan gynnwys Papyrus, Dads for Lads, Women’s Aid a Women Connect yng Nghaerdydd.
Ebost: info.stillworks@gmail.com
Gwefan: www.stillworksmeditation.com
Facebook: Stillworks
Instagram: still.worksmeditation
