Drwy gynorthwyo bobl brysur i fod yn fwy ystyriol o ran eu hagweddau a’u hymwybyddiaethau, mae dull The Present yn cynnig cyflwyniad hygyrch i feddylgarwch a llesiant i bawb o 3-103 mlwydd oed.
“Mae’r Present yn teimlo’n unigryw gan ei fod yn dod â ni yn uniongyrchol i mewn i gyfanrwydd bywyd mewn ffordd mor hawdd, gydag ymarferion syml i’w defnyddio a’u hintegreiddio a phrofi meddylgarwch yn treiddio trwy eich diwrnod. Cwrs hyfryd.” (cyfranogwr cwrs Living in the Present)
Mae Sarah Silverton yn angerddol dros wneud meddylgarwch yn hygyrch i bawb. Mae’r rhain wrth galon neges dull The Present: helpu bobl brysur ddod ag ymwybyddiaeth hynaws yn rhan o’u bywydau bob dydd, cyflwyno meddylgarwch i bobl o bob oed a datblygu ymarfer oes i gael ffynnu a chadw’n iach.
Mae Sarah Silverton wedi bod yn ymwneud â meddylgarwch yng Nghymru ers y dechrau, ac mae’n athro meddylgarwch profiadol. Yng nghanol y 90au aeth ar gwrs cyntaf MBCT 8 wythnos Mark Williams cyn hyfforddi gydag ef i addysgu MBCT, ac yn 1999, teithiodd i Massachussets i’r Center for Mindfulness Studies i gwblhau ei rhaglen Intern.
Dros y blynyddoedd mae wedi llwyddo i ddod ag ymarfer a dysgeidiaeth meddylgarwch i fyd addysg ac i fywyd bob dydd plant a’u hathrawon. Mae hi wedi ymwneud â’r Prosiect Meddylgarwch Mewn Ysgolion (MISP) ac wedi cydysgrifennu yr hyn a ddaeth yn gyrsiau sylfaen Paws b a .b, sydd bellach wedi’u cyfieithu i nifer o ieithoedd ac sydd yn cael eu haddysgu a’u gwerthfawrogi drwy’r DU ac ymhell tu hwnt.
Mae cyrsiau The Present wedi datblygu o’r dyhead parhaus hwn i fylchu’r ffiniau sy’n rhwystro mynediad i feddylgarwch. Mae dulliau The Present yn agor y drws i feddylgarwch i bobl sydd wedi teimlo nad ydy meddylgarwch yn iawn iddyn nhw oherwydd prinder amser neu ffactorau eraill. Maen nhw’n darganfod eu bod yn gallu datblygu ymarfer ystyrlon a llesol heb lawer o ymdrech. Ac wrth weithredu’r dulliau hyblyg a hygyrch hyn maen nhw’n sylweddoli bod cyfle i ymarfer meddylgarwch yn codi unrhyw funud.
“Mae natur y cwrs sef dysgu trwy brofiad yn cael dylanwad cynnil o wythnos i wythnos, nes sylweddoli ar ddiwedd y cwrs y bydd y cydbrofi a’r cyd-ddysgu yno yn gefn i ti am flynyddoedd i ddod.” (cyfranogwr Living in the Present)
Ers 2018 mae’r cyfleoedd i ddysgu a chymryd rhan mewn cyrsiau The Present CIC wedi lledaenu ymhell ac agos ac wedi datblygu mewn sawl ffordd. Ers dechrau 2024 mae Prosiect Meddylgarwch Mewn Ysgolion (MISP) wedi cynnig a chynnal cyrsiau The Present i ysgolion a phobl ifanc ar draws y DU. Mae Sarah yn parhau i addysgu cwrs The Present i Ysgolion a chwrs Byw yn y Presennol yn Tsieina a Taiwan. Mae Sarah Silverton yn addysgu a hyfforddi eraill i addysgu Byw yn Y Presennol yn rheolaidd arlein.
Mae Sarah hefyd yn addysgu gweithdai Ymholi a Symud yn Ystyriol i athrawon med dylgarwch, ac ar hyn o bryd mae Sarah a rhai aelodau o’i thîm yn ysgrifennu llyfr. Mae hefyd yn cynnal cyrsiau preswyl a chyrsiau encil arlein tair-bedair gwaith bob blwyddyn.
“Mae Encil Presennol Arlein ym mis Ionawr yn ffordd berffaith o ailgydio ynddyn ni ein hunain a dechrau’r Flwyddyn Newydd yn teimlo wedi adfywio ac wedi cryfhau ein hymarfer.”
“Rwyf bob amser yn teimlo bod cyrsiau encil Sarah o gymorth mawr, y rhai wyneb-yn-wyneb ac arlein. Mae ei dulliau hi yn gwneud i mi deimlo’n gyfforddus ac yn fy ngalluogi i setlo i ddysgu a datblygu.” (cyfranogwyr encil)
Mae cyrsiau The Present CIC a Sarah Silverton Mindfulness yn cyrraedd amrywiaeth eang o boblogaethau gan gynnwys ysgolion, meddygon ifanc, myfyrwyr meddygol, poblogaethau clinigol, athletwyr, a Men’s Sheds i enwi rhai yn unig. Mae yna hefyd amrywiaeth o ran lleoliadau, er enghraifft yn yr awyr agored.
Mae gwaith ymchwil wedi’i gyflawni ar y dull hwn ac mae yna astudiaethau ar lefel graddfeistr a doethuriaeth. Mae’r rhain yn cynnwys astudiaeth o addysgu ysgol gyfan o athrawon a phlant yn Warrington, ac astudiaeth o Brifysgol Caerdydd ar gwrs Byw yn y Presennol a gynhaliwyd i rieni plant â chyflyrau cronig o’r croen ac astudiaeth ddoethuriaethol gyfredol gyda hyfforddwyr.
Trwy eu cyrsiau a’r rhwydwaith gynyddol o athrawon ac ymarferwyr sydd wedi’u hyfforddi yn y dull, mae The Present CIC a Sarah Silverton Mindfulness yn arloesi ac yn meithrin y cymunedau cynyddol o bobl a phlant yng Nghymru a thu hwnt sy’n profi buddion meddylgarwch.
“Mae hyfrydwch amrywiaeth y lleoliadau rhyfeddol lle mae dull The Present yn ffynnu ac sy’n addas iddo wedi bod yn bresennol dros y 6 mlynedd diwethaf. Rwy’n edrych ymlaen at weld ymhle mae’n ymgartrefu dros yr ychydig flynyddoedd nesaf.” (Sarah Silverton)
I gysylltu…
Ewch i’r wefan:
www.thepresentcourses.org
Ebost: sc.silverton150@gmail.com
Facebook/Instagram: Sarah Silverton and Living in The Present
LinkedIn: Sarah Silverton and The Present Courses