“I mi, un o’r buddion yw arafu nifer o’r cyfnodau mewn bywyd, a all fel arall gael eu methu. Mae bod yn fwy ymwybodol i weld, i glywed, neu jyst bod, yn weithred mor syml ond mor anhygoel. ʺ (Tess)
Ym Machynlleth mae cartref Tess Sutton. Mae wedi bod yn ymchwilio i faes meddylgarwch a myfyrio am y rhan fwyaf o’i hoes fel oedolyn. Yn ystod ei hugeiniau roedd yn chwilio am ffordd o ymdopi ag emosiynau anodd ac yn gobeithio dod o hyd i dawelwch mewnol. Roedd popeth roedd wedi ei ddarllen am feddylgarwch yn taro deuddeg ac yn cysylltu â ffordd o fod a oedd yn cydfynd â’i gobeithion ac â’i hamcanion. Arweiniodd hyn at ymhel ag ymarferion a darllen am ddysgeidiaethau Bwdїaidd a’r buddion o feddylgarwch ac o fod yn hunan-ystyriol, sydd wedi’u seilio ar ganlyniadau ymchwil. Ddegawd yn ddiweddarach, ymrwymodd i hyfforddi mewn Cwnsela Seicoleg Bwdїaidd gyda’r Tariki Trust ac o wneud hynny y dechreuodd ei hymarfer meddylgarwch o ddifrif. Trwy’r weithred syml o arafu ac o fod yn fwy ymwybodol o’r nifer o gyfnodau yn ei diwrnod, yn rheolaidd daeth i sylwi ar yr hyn oedd yn gwbl hynod mewn pethau hollol ddinod, a sut y gwnaeth hyn ynddo’i hun gyfoethogi ei bywyd a’i wneud cymaint yn llawnach.
Ar ôl yr hyfforddiant cwnsela, ymunodd Tess â’r rhaglen raddfeistr mewn Meddylgarwch ym Mhrifysgol Bangor. Mae hon yn cyfuno sylfeini damcaniaethol meddylgarwch â chymorth i gryfhau ymarfer personol. Mae’n trafod sawl agwedd ar ymarfer ystyriaethol, gan roi dealltwriaeth ddofn i Tess o faes gwyddor niwrolegol gwybodol meddylgarwch; maes sy’n datblygu yn gyflym iawn. Yn ogystal â hyn dysgodd hanfodion yr ymarfer o ran gwreiddiau Bwdїaidd. Ar hyn o bryd mae’n datblygu ei hymwybyddiaeth o ystyriaethau moesegol addysgu meddylgarwch ac yn dysgu sut i arwain eraill drwy’r ymarferion craidd, cynnal ymholiadau grŵp ac addysgu damcaniaethau meddylgarwch. Iddi hi mae’r elfennau hyn yn heriol ac yn rhoi boddhad, gan iddi fod yn gwthio ei hun tu hwnt i ffiniau sy’n gyfforddus iddi ac ar drywydd datblygiad personol cynyddol.
Er gwaethaf heriau cynnal ymarfer dyddiol ochr yn ochr â gweithio, bod yn rhiant a phrysurdeb bywyd modern, mae Tess wedi gwirioneddol ddysgu pwysigrwydd a dyfalbarhad o ailgydio mewn ymarfer eto, ac eto ac eto. Mae wedi cynnal yr ymrwymiad hwn trwy feithrin ymagwedd o fod yn chwilfrydig, o fod yn anfeirniadol ac o fod yn ystyriol. Y nodweddion hyn sydd wedi bod yn allweddol i’w galluogi hi i ddod yn ôl ati dro ar ôl tro.
“Mae’r cwrs Graddfeistr ym Mhrifysgol Bangor yn wych. Y peth mwyaf pellgyrhaeddol i mi oedd dysgu pwysigrwydd cynnwys yr ymarfer, ac sut mae ymarfer cryf a rheolaidd yn hanfodol i’r ymgorfforiad hwn. ʺ (Tess)
Trwy ymgolli ym meddylgarwch yn y ffordd hon, mae Tess nawr yn sylweddoli ei fod yn cael effaith ar bob agwedd ar ei bywyd mewn ffyrdd cynnil ond pwerus: o fod yn rhiant a chreu perthynas ag eraill, gan gynnwys y cleientiau a’r cyplau mae’n gweithio gyda nhw, i’r weithred syml o anadlu a phenderfynu sut i ymateb mewn unrhyw gyfnod penodol.
Yn y dyfodol mae Tess yn bwriadu addysgu ei chyrsiau MBSR (Mindfulness-Based Stress Reduction) ei hun arlein ac wyneb yn wyneb yng nghanolbarth Cymru, yn ogystal â pharhau i integreiddio meddylgarwch â’i gwaith cwnsela ac â’i gwaith gyda chyplau. Fodd bynnag ei nod pennaf yw bob amser flaenoriaethu canolbwyntio arni hi ei hun drwy ymarfer personol cryf.
I gysylltu â Tess:
E-bost: tess.sutton@outlook.com
Gwefan: www.therapywithtess.com