“Rwy’n hynod o ddiolchgar i mi fy hun pan yn iau am fod yn barod i arbrofi gydag ymarfer meddylgarwch a’i fabwysiadu yn rhan o’m bywyd bob dydd. Y gwerthfawrogiad hwn sy’n sail i fy awydd i barhau i ddwysáu fy nealltwriaeth, gan gynnwys fy ymchwil PhD.” (Tom Blackwell)
Mae Tom Blackwell yn fyfyriwr PhD llawn amser ym Mhrifysgol Nottingham, yn gofyn y cwestiynau cyfareddol a all meddylgarwch gael ei integreiddio i addysg Waldorf ac yn benodol a yw addysg Waldorf yn barod yn fath ystyriol o addysg.
Mae’n tynnu ar gyfuniad cyfoethog o brofiadau, gan gynnwys bod yn athro Waldorf gyda dyletswyddau ym maes anghenion dysgu ychwanegol, diogelu a rheoli; ei rôl fel rhiant sengl i ddau o blant; ei astudiaethau blaenorol mewn crefydd a diwinyddiaeth a mwy nag ugain mlynedd o brofiad o ymarfer meddylgarwch ac o fyfyrio.
Yn ystod ei radd gyntaf mewn Astudiaethau Crefydd a Diwinyddiaeth darganfyddodd Tom ei fod yn gwerthfawrogi’n fawr grefyddau Indiaidd, yn enwedig Bwdїaeth. Yn ogystal â darllen amdano a’i astudio, dechreuodd arbrofi gartref gyda meddylgarwch. Ochr yn ochr â’i fyfyrio ffurfiol wrth eistedd, mae’n ymarfer meddylgarwch mewn sawl gweithgaredd bob dydd, popeth o ymolchi i yfed coffi yn y gwely yn y bore, i siarad gyda’i blant a cherdded o gwmpas y pentref. Mae ymarfer bod yn ystyriol ac yn garedig yn agweddau pwysig ar ei ymarfer meddylgarwch. Mae profi buddion enfawr o’r ymarferion hyn wedi ei annog i barhau â nhw a chysylltu ag ymarferwyr eraill.
Yn hytrach na cheisio dod â meddylgarwch i mewn i addysg Waldorf, man cychwyn Tom yw dyfalu am yr elfen ystyriol sydd yn bresennol yn barod mewn ysgolion Waldorf, er enghraifft i’w gweld yn ymagwedd myfyriol athrawon sydd wedi eu hyfforddi i ddatblygu ymwybyddiaeth ddwys wedi ei seilio ar arsylwi o ddatblygiad plentyn, ac felly o’r plant yn eu gofal.
“Gallwn ddweud bod gan addysg Waldorf sawl man cychwyn. Un o’r rhain yn bendant yw datblygiad y plentyn. Serch hynny mae Rudolf Steiner hefyd yn ein hatgoffa bod yn rhaid i ni sy’n athrawon weithio arnon ni ein hunain; dyma fan cychwyn arall athroniaeth ein haddysg.”
Ochr yn ochr â gwerthuso yr ymarfer myfyriol hwn, a mynegiant arall o ymagwedd ystyriol sydd efallai wedi ei ymgorffori mewn addysg Waldorf – er enghraifft mewn celf, rhythm a phensaernїaeth – mae Tom hefyd yn archwilio a fyddai lle i fynegiant mwy ffurfiol o feddylgarwch fel myfyrio wrth eistedd neu wrth gerdded; ymarfer na fyddai’r rhan fwyaf o addysgwyr Waldorf yn ei gyflwyno i’r dosbarth.
“Os yw addysg Waldorf yn ystyriol yn barod, fe all wella ein dealltwriaeth o’r hyn mae’n ei olygu i ddefnyddio meddylgarwch mewn addysg, a’r hyn yw gwir ystyr meddylgarwch…Gall dynnu sylw at ffyrdd y gall addysg Waldorf ysbrydoli addysg a meddylgarwch – mewn – addysg, gan ein caniatáu ni i ystyried sut rydyn ni’n cyflwyno addysg, ond hefyd sut rydyn ni’n defnyddio meddylgarwch mewn addysg.”
Mae Tom yn gobeithio y bydd yr ymchwil o ran ei ddau gwestiwn canolog yn dylanwadu ar y trafod byd-eang ym maes addysg, a meddylgarwch – mewn – addysg, o ran sut rydyn ni’n addysgu plant mewn ffordd ystyrlon a chyfannol. Mae’n gobeithio cyfrannu at ffyrdd o addysgu pobl ifanc sy’n eu hystyried fel bodau dynol; fel unigolion, yn gymdeithasol, ac yn rhan o’r byd rydyn ni’n byw ynddo.
“Rwy’n ymwybodol iawn o’r llenyddiaeth ymchwil, o sgyrsiau gydag athrawon tu mewn a thu allan i fudiad Waldorf – a chyda phobl ifanc eu hunain – bod ar addysg angen ymateb mewn ffordd ystyrlon i gefnogi datblygiad cyfannol cenedlaethau’r dyfodol. Mae fy ngwaith i yn cynrychioli fy ymdrechion i yn hyn o beth.”
Mae ei ymrwymiad i botensial trawsnewidiol addysg yn un rhyngwladol. Mae wedi meithrin partneriaethau gydag addysgwyr a mudiadau ledled y byd, gan gynnwys Jhamtse Gatsal’s Children’s Community; cartref ac ysgol i blant bregus yn yr Himalaia yn India, yn ogystal â menter addysgol llawr gwlad yn Ethiopia sydd wedi ei hanelu at gynyddu defnydd ohoni a chydraddoldeb i gymunedau ar y cyrion. Trwy’r holl bartneriaethau hyn mae’n parhau i ganolbwyntio ar feithrin a chefnogi addysg sydd ag urddas, ac â pherthyn, ac â datblygu potensial dynol yn greiddiol iddo. Yn ddiweddar hefyd trefnodd Tom ddwy sgwrs i gael dechrau trafodaeth fyd-eang sut y gall meddylgarwch fod yn bwysig yn Waldorf. Daeth addysgwyr ac eraill i’r sgyrsiau hyn o Brasil, Yr Ariannin, o Fecsico, o UDA, o’r DU, o Hwngari, o wlad Thai, ac o Indonesia. Yn ogystal mae wedi bod mewn cysylltiad ag eraill yng Nghanada, yn Chile, yn Periw, yn Norwy, yn Ynysoedd Philippines, yn Awstralia, yn Seland Newydd ac yn UDA.
Yn y dyfodol, mae Tom yn gobeithio ymweld ag ysgolion Waldorf ledled y byd, a dysgu oddi wrth athrawon yno. Mae’n gobeithio hefyd y bydd ei waith cyfredol yn cefnogi ymchwil byd-eang arall i fod yn gadarnhad sydd yn wir ei angen ar ysgolion Waldorf sydd ar ôl yn y DU. Yn fwy lleol, mae’n gobeithio cefnogi datblygu system addysg ystyrlon a diffuant yng Nghymru a thu hwnt.
I ddarganfod rhagor am Tom:
Ebost: tom@tomblackwell.education
Gwefan: www.tomblackwell.education
Instagram: https://www.instagram.com/tomblackwell.education/
LinkedIn: Tom Blackwell | LinkedIn