“Ffordd o fyw ein bywydau gyda gofal, sylw, caredigrwydd ac ystyrioldeb i leihau dioddef ac i fod o fudd i ni ein hunain ac i bawb arall.” (Mindful Compassion Partnership)
Mae David Oldham wedi bod yn gweithio â meddylgarwch a’i addysgu ers dros 25 mlynedd. Mae’n byw ym Môn ac mae’n gwnselydd cymwysedig a thros y blynyddoedd mae wedi gweithio mewn sawl maes gwahanol. Tua 12 mlynedd yn ôl datblygodd ei ddull Ystyrioldeb Meddylgar ei hun tra gweithiai mewn hosbis gofal dydd a chyda Macmillan, yr elusen sy’n rhoi cymorth mewn achosion o ganser. Mae wedi defnyddio’r dulliau hyn yn eang i hyfforddi a rhoi cymorth i gleifion a gweithwyr proffesiynol y gwasanaeth iechyd i ddatblygu ymarferion hunan-ofal gwell. Yn ogystal mae wedi hyfforddi unigolion i gyflwyno’r rhaglen. Mae David yn hoff o weithio gyda dull personol sydd wedi ei deilwra i’r unigolion neu i’r grŵpiau mae’n cydweithio â nhw.
“Rydyn ni’n cymryd cymaint o’r sesiynau sy’n berthnasol i’n sefyllfa ein hunain.” (Adborth gan gyfranogwr)
Cefndir Bwdiaethol sydd gan ymarfer David ei hun, a thros y blynyddoedd, mae wedi hyfforddi mewn dulliau seciwlar eraill gyda Breathworks, y Mindfulness Association a’r rhaglen Mindful Self-Compassion. Trwy ei waith a’i ymarfer personol ei uchelgais yw parhau i ddatblygu ei berthynas ef ei hun a pherthynas eraill â’r byd ehangach mewn ffordd llai niweidiol ac a fydd o fudd i bawb. Mae’r dull hwn o feithrin agwedd gynnes a chartrefol yn y berthynas ag ef ei hun ac ag eraill a’r byd ehangach yn aml yn cael ei amlygu yn yr adborth gan gyfranogwyr y cyrsiau:
“Mae ystyrioldeb meddylgar wedi gwreiddio’n ddwfn, efallai nawr y byddaf yn meddwl am yr hyn rwy’n ddweud neu ei wneud – mae’n rhaid bod hynny’n beth da, rwy’n trin fy hun yn well ac rwy’n fwy goddefgar o eraill.”
“Dysgu bod yn hunan-ofalgar, gan fy mod bob amser wedi bod yn olaf ar y rhestr, nawr fi yw’r cyntaf ac rwy’n gofalu’n well am bawb arall.”
(Cyfranogwyr y cwrs)
Ar hyn o bryd mae David yn cynnal grŵp pob pythefnos yn Amlwch ym Môn, sesiynau arlein wythnosol yn ogystal ag amrywiaeth o encilion o wahanol hyd. Yn ogystal ag ymarferion clywedol dan arweiniad, gallwch ddod o hyd i ragor o fanylion am ei waith a chyfle i gyfranogi ar y wefan:
themindfulcompassionpartnership.uk
Ffyrdd eraill o gysylltu:
Facebook: The Mindful Compassion Partnership
Instagram: @daveoldham.33
LinkedIn: Dave Oldham
E-bost: David.oldham1@btinternet.com