“Mae tawelu meddwl sy’n parablu yn sgìl anodd ond mae’n ein galluogi ni i gael mynediad i addysg mewn bywyd (ac mewn ysgolion) ac ymdopi â straen wrth i ni deithio trwy antur bywyd. ʺ (Penny Moon)
Yn Lerpwl mae A Quiet Place ond mae hefyd yn gweithredu yng ngogledd Cymru. Sefydlwyd gan Penny Moon yn 2005. Mae’n cynnig rhaglenni datblygu ar gyfer y gweithle ac ar gyfer ysgolion, yn ogystal â chymorth personol i unigolion. Mae’r ymagwedd yn defnyddio amrywiaeth o ddulliau cyfannol, gyda meddylgarwch seciwlar yn graidd. Mae’r rhaglen wedi ei haddasu i weithio mewn ysgolion ac mewn dysgwyr o bob oed. Mae hi hefyd yn addysgu eraill i gyflwyno’r rhaglen, gan ddefnyddio dull o ‘Hyfforddi’r Hyfforddwr.’
Mae gan Penny bron i dri degawd o brofiad amrywiol o gynorthwyo mewn gweithdai, o addysgu, datblygu emosiynol ac ymddygiadol, seicotherapi, meddygaeth cyflenwol, therapiwteg addysgiadol ac o gefnogi’r plentyn, y rhiant a’r teulu. Dechreuodd ei thaith meddylgarwch pan hyfforddodd i fod yn athrawes ioga a meddylgarwch yn 1980. Mae ganddi o hyd ymarfer personol cryf o Ioga Ystyriol sy’n cael ei blethu drwy ei hymarfer meddylgarwch.
Mae Penny yn awdur amrywiaeth o lyfrau ac adnoddau sydd ar gael o’i gwefan. Mae’r rhain yn cynnwys ‘The Practical Wellbeing Programme’ a ‘The Mindfulness Workbook’. Ysgrifennodd ei llyfr ‘Teaching Mindfulness in School’ i gynnig rhai dulliau elfennol sy’n hawdd i staff a phlant gael gafael arnynt yn gyflym. Meddai:
“I mi mae’r plant yn hollbwysig, ac mae’n rhaid i ni fod yn ofalus nad ydyn ni’n rhoi gormod o bwyslais ar ein hymarferion syml elfennol!”
Yn y dyfodol mae’n gobeithio rhannu ei gwybodaeth, ei phrofiadau a’i hymagwedd unigryw gydag ysgolion eraill, prifysgolion a chymunedau.
I gael gweld rhagor am ddulliau Penny, gallwch fynd i’w gwefan:
aquietplace.co.uk
I gysylltu â Penny Moon:
Facebook: AQuietPlaceUK
LinkedIn: (8) Penny Moon A Quiet Place Franchise owner/founder | LinkedIn
email: penny@aquietplace.co.uk